احترسوا .. من النسكافيه فيه سم قاتل
كتب هناء محمد
من الحاجات اللي خليتني اتأكد ان الغرب بيعمل منتجات خاصة لضرر العرب وبس….
رحت أمريكا مرة واندهشت جدا انهم ما بيشربوش نسكافيه
وكنت قاعدة عند صديقة أمريكية واستغربت جدا لما ما لقيتش في بيتها نسكافيه، وقالت انهم ما بيستخدمهوش ابدا ووزارة الصحة دايما بتحذر منه لانه بيجيب سرطان، ومعروف انه معمول للعرب فقط
قلت لنفسي ممكن ده رأيها الشخصي سيبك منها وروحي اي سوبرماركت واشتري بنفسك..
وفعلا رحت سوبرماركت كبير جدا، وفيه مئات الانواع من القهوة، لكن ما لقيتش نسكافيه !!!!
مرة تانية رحت أمريكا وقابلت أصدقاء مصريين وامريكان،وبرضه سألتهم عن النسكافيه قالولي احنا هنا مش بنشربه ابدا احنا بنشرب قهوة بس، النسكافيه مضر جدا وببسبب السرطان، ادخلي جوجل واكتبي اضرار النسكافيه وشوفي بنفسك
وبعدين ده بيتعمل للدول العربية بس!!!!
بصراحة دخلت جوجل واتصدمت، ومن وقتها رجعت للقهوة بتاعتنا اللي اتربينا عليها وقلت بلاها نسكافيه مش ناقصين …
About Post Author
